بقلم الشاعر... محمد عبدالغني عمارة... بهيه

((  بهيه ))

دي بهيه الأبيه ...
إللي عاشت إيدها بإديه جامده وعفيه ..
طول عمرها حمالة أسيه ..
بقلب أبيض ونيه صافيه تقوم تجري من البدريه ..
لا عمرها إشتكت ولا قالت شيل من عليه ..
صابره مثابره وهيه يا عيني مش قادره ..
شايله ف بطنها وعلى راسها وربي إللي حارسها ..
ماشيه وسط الرجالة بميت راجل ..
 وينقطع لسان إللي يمسها بأذيه ..
عامله من راجلها باشا وسيد وعايشه على قد الإيد ..
عمرها ما قالت عاوزه وهات حتى لو عايشه ع الفتات ..
راضيه بحالها وحاميه عيالها وشايله راجلها ..
هي دي أمي وأمك إللي دايما شايله همك ..
إللي خلتك دكتور مهندس .. باشا وقاضي ..
مفيش مثالها ولا زي جيلها ..

بقلمي // محمد عبد الغني عمارة .